ಮಾರ್ಚ್ 11 ರಂದು ಪುತ್ತೂರು ಅಂಚೆ ವಿಭಾಗದ ತ್ರೈಮಾಸಿಕ‌ ಅಂಚೆ ಅದಾಲತ್

 ಪುತ್ತೂರು, ಫೆಬ್ರವರಿ 19, 2025 (ಕರಾವಳಿ ಟೈಮ್ಸ್) : ಪುತ್ತೂರು  ಅಂಚೆ   ವಿಭಾಗದ  ತ್ರೈಮಾಸಿಕ  ಅಂಚೆ  ಅದಾಲತ್ ಮಾರ್ಚ್  11 ರಂದು ಅಪರಾಹ್ನ 3.30ಕ್ಕೆ   ಪುತ್ತೂರು ಅಂಚೆ  ವಿಭಾಗದ ಹಿರಿಯ  ಅಂಚೆ  ಅಧೀಕ್ಷಕರ  ಕಚೇರಿಯಲ್ಲಿ  ನಡೆಯಲಿದೆ.

ಈ ಅದಾಲತ್ತಿನಲ್ಲಿ ಪುತ್ತೂರು, ಕಡಬ, ಸುಳ್ಯ, ಬಂಟ್ವಾಳ, ಮೂಡಬಿದ್ರೆ, ಬೆಳ್ತಂಗಡಿ, ಕಾರ್ಕಳ ಹಾಗೂ  ಹೆಬ್ರಿ ತಾಲೂಕುಗಳ   ವ್ಯಾಪ್ತಿಯ ಅಂಚೆ  ಸೇವೆಗೆ   ಸಂಬಂಧಪಟ್ಟ ಎಲ್ಲಾ  ರೀತಿಯ ಸಾರ್ವಜನಿಕ  ಕುಂದು-ಕೊರತೆಗಳನ್ನು, ತಕರಾರುಗಳನ್ನು  ಪರಿಶೀಲಿಸಲಾಗುವುದು.  

 ಸಾರ್ವಜನಿಕರು ಪುತ್ತೂರು  ವಿಭಾಗಕ್ಕೆ ಸಂಬಂಧಪಟ್ಟ  ದೂರುಗಳನ್ನು ಪತ್ರ ಮುಖೇನ, ಅಂಚೆ  ಅದಾಲತ್ ತಲೆಬರಹದಡಿ ಮಾರ್ಚ್ 7ರೊಳಗೆ  ಹಿರಿಯ ಅಂಚೆ  ಅಧೀಕ್ಷಕರು, ಪುತ್ತೂರು ವಿಭಾಗ, ಪುತ್ತೂರು  -574201 ವಿಳಾಸಕ್ಕೆ ದೂರುಗಳನ್ನು  ಕಳುಹಿಸಬಹುದು ಹಾಗೂ ಅದೇ  ದಿನ  3.30ರೊಳಗೆ ದೂರವಾಣಿ  ಸಂಖ್ಯೆ 08251-230201, 230295 ಕ್ಕೆ ನೇರವಾಗಿಯೂ ಸಂಪರ್ಕಿಸಬಹುದು.  ತಮ್ಮ  ದೂರುಗಳನ್ನು   ಮಿಂಚಂಚೆ doputtur.ka@indiapost.gov.in ಮೂಲಕ  ಅದಾಲತ್ತಿಗೆ ಮೊದಲು ತಲುಪುವಂತೆ   ಕಳುಹಿಸಬಹುದು. ಪುತ್ತೂರು ಅಂಚೆ ವಿಭಾಗಕ್ಕೆ  ಸಂಬಂಧಿಸಿದ ದೂರುಗಳನ್ನು ಮಾತ್ರ  ಪರಿಗಣಿಸಲಾಗುವುದು ಎಂದು ಅಂಚೆ ಇಲಾಖಾ ಪ್ರಕಟಣೆ ತಿಳಿಸಿದೆ.

Wednesday, February 19, 2025