ಬಂಟ್ವಾಳ, ಡಿಸೆಂಬರ್ 02, 2024 (ಕರಾವಳಿ ಟೈಮ್ಸ್) : ಇಲ್ಲಿನ ಪುರಸಭೆಯಲ್ಲಿ ತೆರವಾಗಿರುವ ಒಂದು ಸ್ಥಾನಕ್ಕೆ ಹಾಗೂ ತಾಲೂಕಿನ ವಿವಿಧ ಗ್ರಾಮ ಪಂಚಾಯತ್ ಗಳಲ್ಲಿ ವಿವಿಧ ಕಾರಣಗಳಿಂದ ತೆರವಾಗಿರುವ 11 ಸ್ಥಾನಗಳ ಸಹಿತ 12 ಸ್ಥಾನಗಳಿಗೆ ನಡೆದ ಉಪಚುನಾವಣೆಯಲ್ಲಿ 10 ಸ್ಥಾನಗಳನ್ನು ಗೆಲ್ಲುವ ಮೂಲಕ ಕೈ ಬಲಪಡಿಸಿದ ಪಕ್ಷದ ಅಭ್ಯರ್ಥಿಗಳಿಗೆ, ಮತದಾರ ಬಂಧುಗಳಿಗೆ ಹಾಗೂ ಪಕ್ಷದ ನಾಯಕರು, ಕಾಯಕರ್ತರಿಗೆ ಮಾಜಿ ಸಚಿವ ಬಿ ರಮಾನಾಥ ರೈ ನೇತೃತ್ವದಲ್ಲಿ ಸೋಮವಾರ ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಕಚೇರಿಯಲ್ಲಿ ಅಭಿನಂದನಾ ಕಾರ್ಯಕ್ರಮ ನಡೆಯಿತು.
ಬಂಟ್ವಾಳ ಪುರಸಭೆಯ 2ನೇ ಬಿ ಕಸ್ಬಾ ವಾರ್ಡಿನ ವಿಜೇತ ಅಭ್ಯರ್ಥಿ ಪುರುಷೋತ್ತಮ ಎಸ್ ಬಂಗೇರ ಸಹಿತ ಸಜಿಪಮುನ್ನೂರು ಗ್ರಾಮ ಪಂಚಾಯತಿನ ವಿಜೇತ ಅಭ್ಯರ್ಥಿಗಳಾದ ಇಸ್ಮಾಯಿಲ್ ಕೋಟೆ-ನಂದಾವರ, ಧನಂಜಯ ಶೆಟ್ಟಿ ಹಾಗೂ ಸೆಲಿನ್, ಪಂಜಿಕಲ್ಲು ಪಂಚಾಯತಿನ ಅಭ್ಯರ್ಥಿಗಳಾದ ರಾಜೇಶ್ ಗೌಡ ಹಾಗೂ ಕೇಶವ, ಬಿಳಿಯೂರು ವಿಜೇತ ಅಭ್ಯರ್ಥಿ ನಳಿನಿ, ಅಮ್ಟಾಡಿ ವಿಜೇತ ಅಭ್ಯರ್ಥಿ ಕೇಶವ ಜೋಗಿ, ಸಜಿಪಮೂಡ ವಿಜೇತ ಅಭ್ಯರ್ಥಿ ಎನ್ ಅಬ್ದುಲ್ ಕರೀಂ, ಚೆನ್ನೈತ್ತೋಡಿ ವಿಜೇತ ಅಭ್ಯರ್ಥಿ ಜಯಂತಿ ಸತೀಶ್ ಪೂಜಾರಿ ಅವರನ್ನು ರಮಾನಾಥ ರೈ ಅಭಿನಂದಿಸಿದರು.
ಈ ಸಂದರ್ಭ ಕೆಪಿಸಿಸಿ ಸದಸ್ಯರುಗಳಾದ ಪಿಯೂಸ್ ಎಲ್ ರೋಡ್ರಿಗಸ್, ಚಂದ್ರಪ್ರಕಾಶ್ ಶೆಟ್ಟಿ ತುಂಬೆ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರುಗಳಾದ ಚಂದ್ರಶೇಖರ ಭಂಡಾರಿ, ಬಾಲಕೃಷ್ಣ ಅಂಚನ್, ಪ್ರಮುಖರಾದ ಬಿ ಎಂ ಅಬ್ಬಾಸ್ ಅಲಿ, ಪದ್ಮಶೇಖರ ಜೈನ್, ಬೇಬಿ ಕುಂದರ್, ಯೂಸುಫ್ ಕರಂದಾಡಿ, ಜನಾರ್ದನ ಚೆಂಡ್ತಿಮಾರ್, ಇಬ್ರಾಹಿಂ ಮಂಚಿ, ಮುಹಮ್ಮದ್ ನಂದಾವರ, ಸುರೇಶ್ ಜೋರಾ, ಶಮೀರ್ ನಂದಾವರ ಮೊದಲಾದವರು ಭಾಗವಹಿಸಿದ್ದರು.
0 comments:
Post a Comment