ಮಣಿನಾಲ್ಕೂರು : ಬಿರುಗಾಳಿ ಮಳೆಗೆ ಹಾರಿ ಹೋದ ಮನೆ, ಅಂಗಡಿಗಳ ಮೇಲ್ಛಾವಣಿ, ಶೀಟುಗಳು, ಮನೆಗಳಿಗೂ ಹಾನಿ - Karavali Times ಮಣಿನಾಲ್ಕೂರು : ಬಿರುಗಾಳಿ ಮಳೆಗೆ ಹಾರಿ ಹೋದ ಮನೆ, ಅಂಗಡಿಗಳ ಮೇಲ್ಛಾವಣಿ, ಶೀಟುಗಳು, ಮನೆಗಳಿಗೂ ಹಾನಿ - Karavali Times

728x90

6 July 2024

ಮಣಿನಾಲ್ಕೂರು : ಬಿರುಗಾಳಿ ಮಳೆಗೆ ಹಾರಿ ಹೋದ ಮನೆ, ಅಂಗಡಿಗಳ ಮೇಲ್ಛಾವಣಿ, ಶೀಟುಗಳು, ಮನೆಗಳಿಗೂ ಹಾನಿ

ಬಂಟ್ವಾಳ, ಜುಲೈ 06, 2024 (ಕರಾವಳಿ ಟೈಮ್ಸ್) : ತಾಲೂಕಿನ ಮಣಿನಾಲ್ಕೂರು ಗ್ರಾಮದ ನೇಲ್ಯಪಲ್ಕೆ ಎಂಬಲ್ಲಿ ಶನಿವಾರ ಬೆಳಿಗ್ಗೆ ಭಾರಿ ಬಿರುಗಾಳಿ ಸಹಿತ ಮಳೆಯಾಗಿದೆ. ಬಿರುಗಾಳಿ ತೀವ್ರತೆಯಿಂದ ಕೂಡಿದ್ದು, ಸ್ಥಳೀಯ ನಿವಾಸಿಗಳಲ್ಲಿ ಆತಂಕ ಉಂಟು ಮಾಡಿತ್ತು. ಗಾಳಿಯ ರಭಸಕ್ಕೆ ಸ್ಥಳೀಯವಾಗಿ ಹಲವು ಮನೆ-ಅಂಗಡಿಗಳ ಮೇಲ್ಛಾವಣಿ, ತಗಟು, ಸಿಮೆಂಟ್ ಶೀಟುಗಳು ಹಾರಿ ನೆಲಕ್ಕುರಳಿದೆ. ಶಾಲಾ-ಕಾಲೇಜುಗಳಿಗೆ ಶುಕ್ರವಾರ ರಾತ್ರಿಯೇ ಜಿಲ್ಲಾಧಿಕಾರಿ ರಜೆ ಘೋಷಿಸಿದ್ದರಿಂದಾಗಿ ಶಾಲಾ ಮಕ್ಕಳು ಬಿರುಗಾಳಿಯ ಹೊಡೆತಕ್ಕೆ ಸಿಲುಕುವುದು ತಪ್ಪಿ ಹೋಗಿದೆ. ಮಕ್ಕಳು ಶಾಲೆಗೆ ಹೊರಡುವ ಅದೇ ಸಮಯದಲ್ಲಿ ಈ ಬಿರುಗಾಳಿ ಬೀಸಿದ್ದು, ಭಾರೀ ಮಳೆಯಾಗಿದೆ. 

ಇಲ್ಲಿನ ನಿವಾಸಿ ಅಬ್ದುಲ್ ಖಾದರ್ ಅವರ ಮನೆಗೆ ಬಿರುಗಾಳಿಯಿಂದ ಭಾಗಶಃ ಹಾನಿಯಾಗಿದೆ. ಯೂನುಸ್ ಅವರ ಮನೆಗೆ ಮರ ಬಿದ್ದು ಭಾಗಶಃ ಹಾನಿಯಾಗಿರುವುದು ಬಿಟ್ಟರೆ ಹೆಚ್ಚಿನ ಅನಾಹುತ ಯಾವುದೂ ಸಂಭವಿಸಿಲ್ಲದೆ ಇರುವುದರಿಂದ ಸ್ಥಳೀಯರು ನಿಟ್ಟುಸಿರು ಬಿಟ್ಟಿದ್ದಾರೆ. 

  • Blogger Comments
  • Facebook Comments

0 comments:

Post a Comment

Item Reviewed: ಮಣಿನಾಲ್ಕೂರು : ಬಿರುಗಾಳಿ ಮಳೆಗೆ ಹಾರಿ ಹೋದ ಮನೆ, ಅಂಗಡಿಗಳ ಮೇಲ್ಛಾವಣಿ, ಶೀಟುಗಳು, ಮನೆಗಳಿಗೂ ಹಾನಿ Rating: 5 Reviewed By: karavali Times
Scroll to Top