ಶಾರ್ಜಾ ಬಹುಮಡಿ ಕಟ್ಟಡದಲ್ಲಿ ಭಾರೀ ಬೆಂಕಿಯ ಜ್ವಾಲೆ : ಆತಂಕ

ದುಬೈ (ಕರಾವಳಿ ಟೈಮ್ಸ್) : ಯುಎಇ ರಾóಷ್ಟ್ರದ ಶಾರ್ಜಾ ಲುಲು ಸೆಂಟರ್ ಎದುರು ಭಾಗದಲ್ಲಿರುವ ಬಹುಮಹಡಿ ಕಟ್ಟಡದಲ್ಲಿ ಮಂಗಳವಾರ ಮಧ್ಯರಾತ್ರಿ ವೇಳೆಗೆ ಭಾರೀ ಬೆಂಕಿ ಅವಘಡ ಸಂಭವಿಸಿದ್ದು, ಯಾವುದೇ ಸಾವು-ನೋವು ವರದಿಯಾಗಿಲ್ಲದಿದ್ದರೂ ಕಟ್ಟಡದ ಒಳಭಾಗದಲ್ಲಿರುವವರ ಸುರಕ್ಷತೆ ಬಗ್ಗೆ ಭೀತಿ ಪಡಲಾಗಿದೆ.

    ಇಲ್ಲಿನ ಅಲ್-ನಹ್ಬಾ ಎಂಬಲ್ಲಿನ ಸುಮಾರು 47 ಮಹಡಿಗಳಿರುವ ಅಬ್ಕೋ ಟವರ್‍ನಲ್ಲಿ ಈ ಬೆಂಕಿ ಅವಘಡ ಸಂಭವಿಸಿದ್ದು, ಯಾವುದೇ ಸಾವು-ನೋವಿನ ಬಗ್ಗೆ ವರದಿಯಾಗಿಲ್ಲ. ಅಗ್ನಿ ಅವಘಡಕ್ಕೆ ಕಾರಣ ತಿಳಿದು ಬಂದಿಲ್ಲ. ಘಟನಾ ಸ್ಥಳಕ್ಕೆ ಅಗ್ನಿಶಾಮಕ ದಳ, ಅಂಬ್ಯುಲೆನ್ಸ್ ವಾಹನಗಳು ಸೇರಿದಂತೆ ಸುರಕ್ಷತಾ ವ್ಯವಸ್ಥೆಗಳು ಆಗಮಿಸಿದ್ದು, ಕಟ್ಟಡದ ಒಳಭಾಗದಲ್ಲಿರುವ ಮಂದಿಯ ಸುರಕ್ಷತೆಗೆ ಕ್ರಮ ಕೈಗೊಂಡಿದೆ. ಹೆಚ್ಚಿನ ವಿವರ ನಿರೀಕ್ಷಿಸಲಾಗಿದೆ.

Tuesday, May 05, 2020